Johann Clausen

Lindur në Gjermani, Johann Clausen është ende ai fëmija sa i viteve ’80, aq edhe i natyrës. Fotografitë e tij tejkalojnë subjektet e tyre, duke i çliruar ata nga funksioni që kanë, duke zbuluar rrugë të reja për t’i kuptuar ata. Duke i kushtuar vëmendje të ngushtë formës, strukturës dhe detajeve, Johann thekson cilësitë skulpturore të objekteve, duke festuar natyrën e tyre delikate. Karakterizuar nga prezantimi i guximshëm abstrakt, puna e tij fokusohet në materialitetin, duke zbuluar bukurinë e botës natyrore në forma të përjetshme dhe të mrekullueshme.
Për projektin “Foodprint”, Johann vizitoi Kroacinë dhe Qipron. Në Kroaci, ai kapi peisazhin e bregut lindor të Detit Adriatik, dhe eksploroi në mënyrë vizuale një nga përbërësit më kryesorë të gatimit dhe ruajtjes së ushqimit: kripën. Në Qipro, ai fotografoi pamje nga fermat e së ardhmes, ku kultivoheshin gjelbërimet e freskëta, të mbrojtura nga temperaturat ekstreme të ishullit gjatë verës, ndërsa paralelisht me të, ai krijoi një sërë portretesh të frutave që rriteshin në një frutore të harruar, duke zbuluar bukurinë e tyre në përjetësi. Fotografitë në Kroaci u krijuan në bashkëpunim me Martin Golombek

website instagram